Irladia Renova Suporta ba Prorgama Apoiu Governasaun Lokal iha Timor-Leste

Notisias

Untitled Document

MINISTRO LEITE APRESIA PARSEIRU INTERNASIONAL FOUN BA DEZENVOLVIMENTU IHA OE-CUSSE

Dili, 13 Dezembru 2010 - Ministério da Administrão Estatal e Ordenamento do Território (MAEOT) Dr. Arcânjelo Leite, akompaña husi Secretario do Estado da Região Autonomia de Oe-Cusse Dr. Jorge Teme, ohin hasoru malu ho Delegasaun ida husi Governu Malacca iha Dili ho objetivu hodi apoiu formalizasaun parseiru dezenvolvimentu ne’ebé orientadu entre Fundasaun Malaka ho Fundasaun Solenusat Oe-Cusse.

Vizita ne’e hanesan rezultadu husi negosiasaun entre Gabinete Secretario do Estado da Região Autonomia de Oe-Cusse no Governu Malacca ho objetivu hodi apoiu programa dezenvolvimentu iha distritu Oecusse liu-liu foka ba iha area agrikultura no serbisu tourismu nian, iha ne’ebé Fundasaun Malacca iha ona esperiensia barak.

Ministro agraredese ba inisiativa husi parte rua ne’e no enkoraja sira hodi garante implementasaun akordu ne’e no hodi serbisu hamutuk hodi promove liu tan dezenvolvimentu iha Distritu Oecusse.

Secretario do Estado da Região Oe-Cusse ko’alia kona-ba rekursu natureza ne’ebé boot tebes iha rejiaun ne’e no esplika mós kona-ba oinsa distritu ne’e hatudu kresementu sosio-ekonómiku ne’ebé signifikadu desde Timor-Leste Indenpendensia iha 2002.

Enkontru ne’e partisipa mós husi Embaixadór Malázia, Xefe Ministru husi Malacca no Prezidente de Câmara Comercio no Industria (CCI) Timor-Leste.

Atu hatene informasaun kle’an kona-ba komunikadu ne’e favor kontaktu

Sebastião Pereira, Ofisial Media, MAEOT
Tel. (+670) 735-7544
E-mail: sebastiao.pereira01@gmail.com