Iha loron 25 Setembro 2015, S.E Vice Ministru Administrasaun Estatal fo instrusaun ba Director Geral Descentralizasaun Administrativa hodi fo ordem de servisu no. 04 / G-DGDA-MAE/ IX / 2015 ba Directora Nasional Modernizasaun Administrativa Senhora Maria Goretti Marques Belo, nebe sai hanesan Xefe ba ekipa nebe maka kompostu husi Elizio Verdial, Xefe Departementu Servisu Munisipais, Filomena da Costa, Ofisial Finansas no Xisto Freitas, Ofisial Komunikasaun, hodi hala’o atividades inspesaun ba progresu husi implementasaun projetu refere, verifika kalendarizasaun implementasaun projetu no hasai fotografia konaba atividades implementasaun projetu fiziku. Orsamentu ba projetu ne’e finansia husi Asosiasaun Munisipiu Portugueses ho kooperasaun husi Ministeriu Administrasaun Estatal no obra ba projetu refere implementa husi Kompania Torres Novas Unipessoal Lda.
Wainhira halo inspesaun ba terenu, nota katak progresu servisu fiziku atinji ona 39,87 % no tuir planu projetu refere sei hotu tuir tempu no tuir planu. Inagurasaun sei halo iha inisiu tinan 2016.
