Iha loron 23 November 2015, S.E. Vice Ministro da Administracao Estatal, Senhor Tomas do Rosario Cabral lidera enkontru ida iha Salaun VIP-MAE, hodi halo avaliasaun ba aktividade tomak nebe Komisaun Organizadora Komemorasaun Independencia 28 de Novembro de 1975. S.E. Vice Ministro avalia aktividade seksaun ida-ida nian, hodi fo orientasaun atu aselera no hadia buat nebe seidauk diak. S.E. Vice Ministro fo mos orientasaun ba Komisaun Organizadora nebe kompostu husi Directores-Gerais no Directores Nacionais MAE nian, atu hare fila fali partisipasaun Seitor Privadu, liu-liu Empresas Nacionais no Internacionais iha Dili laran konaba sira nia kontribuisaun ba Selebrasaun Loron Histriku 28 de Novembro, no atividades hirak ne’e sei finaliza ho Cerimonia Içar no Arrear Bandeira Nacional iha Tasi Tolu.
