BAUCAU, 17 Marsu 2026 – Apresentasaun Kondisaun Minima iha salaun Centru Convensaun Baucau, remata ho sesaun foto hamutuk S.E. Primeiru-Ministru, Kay Rala Xanana Gusmão ho komitiva ho Autoridade Munisipál, Autoridade Lokál, Diretores Servisu Munisipál, Xefe Departamentus, Emprezáriu Lokál, Veteranus, Intelektuál Baucau oan, no Tekníku husi Ministeriu Administrasaun Estatal, no representante ONG Lokal sira ne’ebé prezensa iha sorumutuk Apresentasaun Kondisaun Minima, hodi “Hare Besik Servisu Munisipál Baucau hosi rezultadu Avaliasaun Kondisaun Mínima” molok avansa bá eleisaun Governu lokál ne’ebé sei realiza iha tinan oin 2027.
Iha biban ne’e, Pintór Baucau-oan Daniel Peloi hatudu nia talentu liu husi oferese mos pintura furak ida ho figura Kay Rala Xanana Gusmão ho medida meiu korpu ba S.E. Primeiru-Ministru, nu-entantu iha oportunidade ne’e, Sua Eselencia Primeiru-Ministru mostra mos Nia agradesementu bá foin-sa’e sira Baucau-oan, liu-liu pintór Daniel Peloi tanba hatudu ona ninia talentu iha arte ne’ebé furak tebes.
Xefe Governu husu ba Autoridade Munisipál Baucau atu kolabora ho pintór Daniel Peloi hodi lori ninia produtu sira atu bele partisipa iha espozisaun Simeira CPLP nian iha tinan 2027 no Simeira ASEAN nian iha tinan 2029 ne’ebé sei realiza iha Dili. Iha biban ne’e mos entrega tais ida bá joven talentozu Daniel Peloi hanesan jestu agradesementu no valor rekoinesementu nian husi Primeru-Ministru hodi remata sesaun foto hamutuk iha programa AKM iha Munisípiu Baucau.
#Remata
Medi@Mae_2026
