Dili, Quarta-Feira, 18 Marsu 2026 – Ministériu Administrasaun Estatál (MAE), liu hosi Diretór Jerál Desentralizasaun no Governu Lokál, Sr. António Augusto Guterres sai nu’udar oradór prinsipál iha sesaun formasaun ne’ebé organiza husi Fundasaun Alola no servisu hamutuk Sekretaria Estadu ba Igualdade, Inkluzaun (SEI), ne’ebé hala’o iha Salaun Postu Administrativu Vera Cruz.
Formasaun ne’e ho tema “Direitu Justisa Asaun Ba Feto no Labarik-Feto Hotu: Asegura Igualdade iha Pozisaun Foti Desizaun”.
Iha sesaun ne’e, DG-DGL aprezenta matéria ho tópiku “Sensibilizasaun kona-ba Lei Poder Lokal No Desentralização Administrativa” hodi fó kbiit ba feto sira atu hatene sira-nia direitu hodi okupa kargu xefia, la’os de’it nu’udar feto reprezentante iha lista laran.
Objetivu husi desentralizasaun atu dezenvolve setór privadu iha área rurál sira liu hosi hamosu ka kria rendimentu no hamenus kiak; Promove no halo forte instituisaun estadu teritóriu nasionál tomak hodi reforsa koezaun sosiál no territoriál; Kria oportunidade foun bá partisipasaun demokrátika no fó kbiit bá sidadaun sira atu hola parte iha rekonstrusaun nasionál, Hakbesik Governasaun bá povu hodi serbí besik liu, lais no di’ak liu (kompriende di’ak liután kona-bá problema real no mehi sidadaun sira-nian)
Selebrasaun Importante ne’e liuhusi Seminariu Nasionál no diskusaun Estratejia no marka prezensa direitamente Exelénsia Sekretária Estadu ba Igualdade-SEI, Elvina Sousa Carvalho, Presidente GMPTL, Diretór Gerál Desentralizasaun Governu Lokál (Mae) nomos Parseiru Nasional no Internasional inklui mos Maluk Difisiensia sira, Estudante sira nomos Sosiedade Sivil.
Remata#
Medi@Mae_2026&DG-DGL
