MAE liu husi DG-DGL Diriji Reuniaun Tekníku ho Ekipa Servisu Tekníku husi MPIE, PCM no MAE
Kinta Feira, 16 Abril 2026 – MAE liu husi DG-DGL Diriji Reuniaun Tekníku ho Ekipa Servisu Tekníku husi MPIE, PCM no MAE, hodi diskute Planu Prioridade estratéjia ba Mediu Prazu ne’ebé sei implementa iha tinan 2027 to’o 2030.
Reuniaun entre ekipa servisu Ministerial ne’e, diskute planu prioridade estratéjiku ba tinan 2027—2030, mak atu hare progresu desentralizasaun ne’ebé la’o ona hodi halo preparasaun atu haka’at ba poder lokal iha futuru.
Reuniaun ne’e mos koalia pontus importante sira hanesan prioridade relevante ba setor dezenvolvimentu munisípal, no koordenasaun entre instituisaun relevante sira, ba prosesu desentralizasaun bele kontinua la’o ho di’ak no preparasaun ba poder lokal bele organizadu liu tan.
Alénde ida ne’e, presiza kontinua hametin koordenasaun servisu no kontribuisaun téknika husi parte hotu-hotu atu asegura implementasaun planeamentu ne’ebé responde ba nesesidade komunidade, no dezenvolvimentu iha nivel munisípál.
Reuniaun ne’e dirijido husi Diretur Geral-Desentralizasaun Governu Lokál, DG-DGL, MAE, António Augosto Guterres iha sala reuniaun gabinete MAE, Caicoli.
#Hotu
#Med@Mae_2026
