Sexta Feira, 17 Abril 2026 – MAE Liu Husi DG-DGL, hala’o Abertura ba Workshop ho Tema “Konsultasaun Kurikulum Treinamento Lideransa Komunitaria”
Kurríkulum ba Formasaun Lideransa mak Planu Estruturadu ida ne’ebé Dezenvolve atu Kapasita Indivídu sira ho Koñesimentu, Abilidade, no Atitude ne’ebé presiza atu dirije, influensia, no jere ekipa ka organizasaun ida ho efikas.
Bazeia ba rezultadu konsultasaun, kurríkulum formasaun lideransa baibain kobre área importante sira tuirmai mak hanesan, Konseitu no Teoria, hodi Komprende fundaméntu lideransa, diferensa entre líder no jestór, tipu/estilu lideransa (ezemplu lideransa transformativu), no karakterístika lideransa nian.
Alein de nemos worksop ne’e partisipante sira hatene kona-ba Abilidade Komunikasaun, no Dezenvolve abilidade ko’alia iha oin, rona, no koordena ekipa, Étika, Morál, no Valór hodi Kuda valór hanesan onestidade, dixiplina, pasiénsia, no haraik-an, ne’ebé sai baze ba integridade lideransa nian.
Materia sira iha worksop ne’e foka mos ba Jestaun no Tomada Desizaun: Métodu foti desizaun, jestaun konflitu, no planeamentu estratéjiku Lideransa Institusionál, Foku ba kria kondisaun no avaliasaun, liuliu ba lideransa komunitaria nia desempeñu hanesan Gestaun Rekursu Umanu Komprende oinsá jere ekipa, motivasaun, no kria kualidade prestasaun servisu iha nivel baze ba populasaun nia moris diak.
Iha biban ne’e mos, husu ba entidades relevante no partisipantes iha workshop kontinua halo konsultasaun ba elaborasaun kurikulum formasaun lideransa komunitaria ne’e bele hetan input no kontribuisaun ideias positivamente ba elaborasaun kurikulum ne’e ho diak no kualidade hodi bele fasilita ba formasaun iha futuru, afirma husi representante MAE, DG-DGL, António Augosto Guterres iha Maubara Room, Timor Plaza.
#Hotu
#Medi@Mae_2026
