S.E. Ministru Administrasaun Estatal, Tomás do Rosário Cabral fó tomade pose ba estrutura foun Autoridade Rejiaun Administrativa Enklave Oecuse Ambeno, RAEOA, no pose ofisial ne’e hala’o iha atmosfera solene iha slaun Convensaun Palavan. Estrutura foun sira ne’e mak hanesan, Prezidenti Autoridade, Sekretáriu Rejionál no Diretor Servisu Rejionál sira.
Estrutura foun Autoridade RAEOA nian mak hanesan, Régio da Cruz, nudar Presidente RAEOA, ho estrutura hamutuk ema na’in-24 komposta husi Sekretáriu na’in-tolu no Diretór Rejionál na’in-21 hodi hala’o serbisu Governu nian iha Oekusi.
Antes ne’e, Governu liuhusi reuniaun Konsellu-Ministrus, aprova projetu Rezolusaun Governu ne’ebé aprezenta hosi Ministru Administrasaun Estatál, Tomás do Rosário Cabral, ba ezonerasaun dirijente servisu iha RAEOA, ne’ebé nomea liuhosi Rezolusaun Governu númeru 37/2025, loron 27 fulan-agostu no nomeasaun ba Prezidente, Sekretáriu no Diretór Rejionál sira RAEOA nian.
Estrutura Autoridade RAEOA ne’ebé simu pose mak hanesan, Régio da Cruz Salu, nu’udar Prezidente Autoridade RAEOA, Sekretáriu Rejionál sira maka hanesan Salvadór da Cruz, ba Administrasaun no Finansas, Francisco Loca, ba Planeamentu no Dezenvolvimentu, no mós Merita Marques Lafo, ba Asuntu Sosiál no Organizasaun Komunitária.
Tuir mai, Diretór Serbisu Rejionál sira hanesan, Domingos Punef simu pose nu’udar Diretór Serbisu Rejionál Administrasaun no Rekursu Umanu, Mario Coel nu’udar Diretór Planeamentu integradu no Dezenvolvimentu, Adelaide Rosália Faria Correia nu’udar Diretóra Serbisu Finansas. Amâncio Aguido Punef nu’udar Diretór Serbisu Patrimóniu Lojístika, Augusto Jorge de Fátima Efi nu’udar Diretór Serbisu Aprovizionamentu, Anita da Costa Ruing nu’udar Diretóra Serbisu Apoia Organizasaun Naun Governamentál (ONG) no Organizasaun Komunitária, Vicêncio Cono nu’udar Diretór Serbisu Edukasaun, Odete Amado Martins nu’udar Diretóra Serbisu Saúde, André Lao nu’udar Diretór Serbisu Seguransa Alimentar, Remígio Nuno Sila nu’udar Diretór Obras Públikas.
Yoseph Ili nu’udar Diretór Serbisu Água, Saneamentu Ambiénte, José Oki nu’udar Diretór Serbisu Agrikultura, Anastásia Eni nu’udar Diretóra Gestaun Merkadu Turizmu, Fátima Olga Hei Amaral nu’udar Diretóra Serbisu Asaun Sosiál, José Tanessib Anuno nu’udar Diretór Protesaun Sivíl no Gestaun Dezastre Naturál.
Júlio Coel nu’udar Diretór Rejistu Sivíl Notariado, Domingos de Almeida nu’udar Diretór Transporte Komunikasaun, Orlando Quelo nu’udar Diretór Serbisu Komérsiu no Indústria, José Ase Neno Colo nu’udar Diretór Terras no Propriedade, Cândido dos Reis Amaral nu’udar Diretór Ajénsia Planeamentu no Jaime Taeque nu’udar Diretór Ajénsia Fiskalizasaun.
Iha intervensaun S.E. Ministru MAE, Tomás do Rosário Cabral afirma ba empozado sira RAEOA nian atu kontinua fasilita servisu RAEOA nian ba oin, hanesan preparasaun ba KONSULTA SIDADANIA ne’ebé sei hala’o iha tinan ne’e. S.E. Ministru MAE, orienta mos ba empozado Autoridade RAEOA nian atu hakbesik-an ba povu, biar ida-idak mai husi kor politiku lahanesan maibe kna’ar ne’ebé ita bo’ot sira lori ne’e nudar servidor ba povu, no Presidente Autoridade nudar representante Governu sentral iha RAEOA, tenik S.E. Ministru MAE, Tomás do Rosário Cabral.
Ministru MAE, informa mos kona-ba Dekretu Lei nu. 20/2026, automatikamente halakon ona estatutu ZEEDOA iha RAEOA, no Rezulusaun Governu mak sei funsiona ba servisu Regional sira hanesan Fundus Espesial Desenvolvimentu, FED.
Serimónia ne’e marka etapa foun ba Estrutura foun Autoridade RAEOA nian foin simu póse husi S.E. Ministru MAE ne’e mesak Oecuse-oan ne’ebè iha esperiensia no kapasidade lideransa hodi halo dezenvolvimentu iha RAEOA no povu Atoni.
Partisipa iha serimónia ne’e mai mós hosi Vise Primeiru-Ministru, Ministru Koordenadór Asuntus Sosiais no Ministru Dezenvolvimentu Rurál no Abitasaun Komunitária, Mariano Assanami Sabino, Vise-Ministru Asuntu Parlmentár, Adérito Hugo da Costa, Vise-Ministru Komérsiu, Augusto Júnior Trindade, membru Parlamentu Nasionál, Komisaun Funsaun Públika (KFP), Autoridade Defeza no Seguransa, emprezáriu nasionál no povu Oecusse.
#(Medi@Mae)
