Díli, 18 Juñu 2026– Kinta-feira ne’e, Ministériu Administrasaun Estatál (MAE), liuhusi Diresaun-Jerál Desentralizasaun no Governu Lokál (DG-DGL) hamutuk ho Diresaun Nasionál Apoiu ba Administrasaun Suku (DNAAS), organiza mini-workshop hodi diskute kona-ba dezenvolvimentu Kurríkulu Formasaun ba Lideransa Komunitária, iha Salaun PARTISIPA, Lecidere, Díli.
Atividade ne’e ho objetivu prinsipál mak atu Aprezenta proposta konteúdu ba kurríkulu formasaun nian, nomos Rekolla sujestaun husi partisipante sira hodi armoniza ideia hotu atu dezenvolve kurríkulu ida ne’ebé adekuadu no bele serve ba kapasitasaun lideransa komunitária iha territóriu nasionál.
Workshop ne’e loke ofisialmente husi Diretór-Jerál DG-DGL, Sr. António Augusto Guterres. Iha nia intervensaun, Nia afirma katak dezenvolvimentu kapasidade lideransa iha baze importante tebes, tanba sei kontribui ba prestasaun servisu administrasaun estatál nian ho efikásia no efisiénsia liu ba komunidade iha nivel suku.
Workshop ne’e hetan partisipasaun másima husi reprezentante instituisaun Estadu no ministériu relevante sira, ne’ebé partisipa ativu hodi partilla esperiénsia no ideia ba elaborasaun kurríkulu.
Aleinde ne’e, atividade ne’e fasilita husi Programa PARTISIPA, ho apoiu husi Governu Austrália.
#Hotu
#Medi@MAE_2026
