INAP–6 Jullu 2026
INAP afirma nafatin kompromisu atu kontinua forma lider sira ne’ebé profisionál, étiku no orientadu ba servisu públiku.
Formasaun ne’e programa obrigatóriu husi Instituto Nacional de Administração Pública-INAP hodi hametin kapasidade lideransa sénior setór públiku nian ba implementasaun Fase II Tinan 2026.
Formasaun nia Objetivu mak atu hametin kompeténsia lideransa ba dirijente sira, atu responsivu ba nesesidade reforma administrativa públika, mellora kualidade servisu no hametin boa governasaun iha nivel nasionál no munisipál.
Formasaun ne’e sei lao durante loron 15 hahu husi loron 6 de Julho to’o 24 de Jullu 2026. entretantu Formatu ba formasaun ne’e, mak kombinasaun abordajen integradu entre teoria, palestra no pratika hodi aplika ba partisipantes.
Formasaun ne’e Partisipante sira mai husi
Dirijente instituisionál nivel másimu husi munisípiu sira no RAEOA, inklui mós Diretór Nasionál sira husi nivel nasionál, MAPFP, MTA no reprezentante dirijente nivel nasionál kada ministériu.
Formasaun ba nivel lideransa ne’e, hetan Abertura Ofisiál husi José Teles Soares Cristovão, Komissáriu responsável ba asuntu Planeamentu Força de Traballu CFP. Iha intervensaun, Nia subliña katak, importánsia estratejika investimentu ba kapasidade lideransa, liuliu iha kontekstu fortalesimentu jestuan rekursu umanu no planeamentu forsa de traballu ba Adminitrasaun Públika Timor-Leste.
Nu-entantu, formasaun ne’e, formador sira sei partilla materia sira mak hanesan, Palestra inspirasionál husi líder sira ho esperiénsia kona-ba perspetiva estratejika ba lideransa moderna, no Formasaun intensiva – tema sira hanesan lideransa transformasionál, jestaun estratejika, tomada dezaun, komunikasaun efetiva, Atividade outdoor hodi hametin team building, kolaborasaun no kapasidade lideransa iha situasaun prátika.
INAP konsidera katak programa ida-ne’e la’ós de’it fahe koñesimentu, maibé mós forma líder sira ne’ebé kompetente, adaptativu no orientadu ba rezultadu. Nu-entantu Programa ne’e kontribui ba hametin ligasaun institusionál no harmonizasaun prátika lideransa iha AP Timor-Leste. Medi@MAE_2026
