LAUTEM, 15 Marsu 2026 – S.E. Ministru Administrasaun Estatal, Tomás do Rosário Cabral, halo observasaun ikus ba fatin Genasio Lautém hodi hare preparasaun servisu tekniku ne’ebé prepara husi Autoridade Munisipiu Lautem ba Vizita Ofisial S.E. Primeiru-Ministru Kay Rala XANANA GUSMÃO, hodi hare besik servisu Munisipál husi Rezultadu Avaliasaun kondisaun Minima iha Autoridade Munisípiu Lautem.
Avaliasaun kondisaun minima ba Munisípiu sira nu’udar komprimisiu IX Governu Constitusionál liu husi Ministério Administração Estatal atu implementa Politika Desentralizasaun Poder Lokál ba iha Munisípiu sira.
Hafoin remata observasaun iha Genasio Lautem, S.E. Ministru MAE Kontinúa halo mos observasaun ba preparasaun Balkaun Úniku Lautem nian ne’ebé prontu ona sei hala’o inaugurasaun ofisiál iha Segunda-Feira, 16 Marsu 2026.
#Remata
#Medi@Mae_2026
