LAUTEM, Domingu, 15 Marsu 2026 – S.E. Primeiru Ministru Kay Rala Xanana Gusmão, enserra tasa rotativa Avo Nana ba époka II 2025 iha Lautem
Atividade enserramentu ne’e, Akompaña mos husi Tenente Jenerál reformadu, Lere Anan Timur, Majór Jenerál João Miranda “Aluc Descartes” , Majór Jenerál Cornélio Ximenes “Maunana”, membru Governu, membru Parlamentu Nasionál, Prezidente Autoridade Munisipál no intelektuál Lautém oan sira.
Asiste enseramentu ba jogu futeból kompetisaun Taxa rotativa AVO NANA II ne’ebé jogu futeból refere hahu nia abertura husi S.E. Ministru MAE iha fulan Outubro tinan kotuk.
Primeiru-Ministru kontente hodi hato’o parabéns bá komisaun organizadora ne’ebé konsege realiza jogu ne’e ba dala rua no konsege halibur joven sira mai hosi munisípiu Lautem, no Xefe Governu konsidera jogu ne’e atu lakon ka manán la’ós problema tanba ohin lakon aban bele manán.
Enseramentu ba kompetisaun jogu futeból Taxa rotativa AVO NANA ba Epóka II. hahu ho jogu husi klubu lokal sira iha Munisípiu Lautem no jogu ne’e hala’o Iha kampu multifunsaun ne’ebé lokaliza iha Suku Fuiloro, Postu Administrativu Lospalos, Munisípiu Lautém.
Enseramentu ba jogu futeból kompetisaun Taxa Avo NANA II ne’e hetan partisipasaun másimu husi estudantes no Komunidade sira iha Lautém.
#Remata
Medi@Mae_2026
