DILI, 24 Marsu 2026
Ekipa integradu avalia servisu kona-bá vizita munisípiu liu-liu “Haree rasik servisu munisipál hosi rezultadu kondisaun mínima” molok implementa Polítika Podér Lokál iha tinan-oin.
Avaliasaun ne’e realiza iha salaun enkontru Ministériu Administrasaun Estatál (MAE), Caicoli, tersa (24/03/2026).
Avaliasaun ne’e lidera hosi Primeiru-Ministru (PM), Kay Rala Xanana Gusmão partisipa hosi membru Governu tuteladu iha ekipa integradu hanesan Ministru Administrasaun Estatál (MAE), Tomás do Rosário Cabral, Ministru Planeamentu no Investimentu Estratéjiku (MPIE), Gastão Francisco de Sousa, Ministra Saúde (MS), Elia Amaral, Prezidente KFP, Agostinho Letêncio de Deus ho ekipa tékniku.
Média-GPM)
