Segunda Feira, 13 Abril, S.E. Primeiru Ministru Kay Rala Xanana Gusmão hala’o Viszita Kortezia Iha MAE
Iha Vizita ne’e, S.E. Primeru Ministru Xanana partisipa mos reuniaun hamutuk ho Presidente Autoridade Munisípiu sira inklui Presidente Autoridade Administrativu Atauro, SECAM PIDI, Diretores Gerais MAE relevantes, ne’ebé hala’o hela reuniaun ho S.E. Ministru MAE, hodi diskute asuntu relevantes hanesan progresu atinjimento produsaun produto agrikola, progresu implementasaun programa merenda eskolar, impelementasaun ba projeto PNDS no PDIM iha kada Munisipiu.
Iha visita supresa ne’e S.E MAE konvida mos S.E. Primeiru Ministru Kay Rala Xanana Gusmâo partisipa mos reuniaun ho PAM no PAAA hodi fo orientasaun polítika ne’ebé tenki implementa husi Autoridade Munisipál sira iha ida-idak nia territóriu tuir polítika Governo Konstitusional Da-Sia nian.
Reuniaun S.E. PM. KayRala Xanana Gusmão ho PAM sira nudar kontinuasaun husi reuniaun dahuluk ne’ebé S.E. MAE hala’o ho S.E. Ministru Agrikultura Pekuaria Peska no Floresta Marcos ”MAMETA” da Cruz, ne’ebé koalia kona-ba prioridade Dezenvolvimentu setór agrikultura iha Timor Leste.
Ministru Agrikultura Pekuaria Peska no Floresta Marcos ”MAMETA” da Cruz husu atu servisu hamutuk ho PAM Munisipiu sira atu haree area kultivu sira ne’ebe durante ne’e abandona hela hodi reativa fali tanba oras ne’e dau-daun governu konstrui ona eskema irrigasaun iha iha Munisipiu atu bele fasilita bee ba agrikultór sira nia natar depois tenki uza fini sira ne’ebè diak, ” ita tenki hakbiit ita nia komunidade agrikultór sira ho makina modernu ne’ebè governu oras ne’e dau-daun introdus ona ba iha Munisipiu sira atu uza ho responzabilidade atu bele hasa’e produsaun agrikola iha rai laran.
#Hotu
#Medi@Mae_2026
