Bobonaro, Quarta-Feira, 15 de Abril 2026— Ministériu Administrasaun Estatal (MAE), liu husi Diretór Geral Desentralizasaun no Governu Lokál, António Augusto Guterres, partisipa iha atividade divulgasaun _Decreto-Lei Nú. 9/2022, loron 24 Fevereiru, kona-ba Rejime Juridiku da Edificação no Urbanização no prosedimentu emisaun alvara konstrusaun iha Câmara Munisipál Bobonaro.
Atividade ne’e organiza husi Ministériu Obras Públikas liu husi Diresaun Geral Habitasaun no Urbanizasaun (DGHU), ne’ebé apresenta husi Eng. Domingos de Jesus Sequeira, ho objetivu atu fó kompriensaun klean ba Autoridade Lokal, Autoridade Munisipal kona-ba regulamentu legal iha área konstrusaun no planeamentu urbano. Iha momentu hanesan, Ex.mo Prezidente Autoridade Munisipal Bobonaro Sr. Paulo Moniz Maia, halo abertura ofisiál ba atividade sosializasaun ida ne’e.
Objetivo husi atividade Sosializasaun ne’e mak atu bele hasa’e kompriensaun kona-ba Decreto-Lei Nú. 9/2022 iha nivel munisipal, no fó orientasaun klaru kona-ba prosedimentu lisensiamentu (alvará) konstrusaun. Alénde ne’e mos bele hametin diak liu tan koordenasaun entre governu sentral no lokal iha jestaun urbanizasaun.
Diretór Geral Desentralizasaun no Governu Lokál, Sr. António Augusto, Amesmo tempo mos kontinua vizita no Enkontru ho Secretario Administração e Financas, Secretário Municipal dos Assuntos Sociais e Organizações no Diretór Servisu Munisipál sira, Enkontru ne’e realiza iha Salaun enkontru Vip Munisípiu Bobonaro.
Enkontru koordenasaun servisu ne’e importante tanba bele ajuda sinkroniza programa no atividade sira, identifika problema sira, no hetan solusaun sira. Enkontru koordenasaun servisu mós bele ajuda asegura katak ekipa hotu kompriende valór serbisu ne’ebé sira halo.
Objetivu prinsipál maka atu troka informasaun, aliña esforsu sira, no aliña estratéjia sira hodi atinji objetivu komún sira. Iha esénsia, ida-ne’e kona-ba kria sinerjia hodi asegura katak ema hotu-hotu hatene saida maka ema seluk serbisu hela no oinsá sira nia serbisu kontribui ba objetivu jerál.
#Remata
#Medi@Mae_DG-DGL_2026
