Tersa Feira, 21 Abril 2026 – S.E. Ministru MAE, Simu vizita kortézia husi Embaixador EUA iha Edifisiu MAE, Caicoli.
Iha vizita ne’e, S.E. Ministru MAE, Tomás do Rosário Cabral ho S.E. Enkarregádu Negósiu Embaixada Estadus Unidus Amérika iha Dili, Bruce Begnell, deskuti kona-ba politika Governu Konstitusionál Da-Sia nian iha implementasaun politika desentralizasaun no poder lokál iha Timor Leste.
Iha reuniaun ne’e, parte rua partilla mos hanoin ba malu husi parte servisu nian, nune’e bele iha kooperasaun servisu diak iha futuru. Encarregado Embaixador EUA. iha Timor Leste apresenta Nia hanoin ba S.E. Ministru MAE atu bele hala’o visita ba iha Munisipiu sira hanesan, Autorida Administrativu Atauro no RAEOA hodi bele hare direta progresu desenvolvimentu no preparasaun Munisipiu sira antes atu haka’at ba iha eleisaun poder lokál.
Iha Pasu positivu husi sorumutu ne’e, Embaixador Encarregado EUA. apresenta Nia providensia atu bele apoia Governu Timor-Leste liu husi Ministeriu Administrasaun Estatal iha implementasaun politika desentralizasaun no poder lokál.
Reuniaun ida ne’e nudar pedidu husi Embaixada EUA. iha Timor-Leste ba Ministeriu Administrasaun Estatal atravez Ministeriu Negosiasaun Extranjeiru no Cooperasaun, MNEC.
#Hotu
#Medi@Mae_2026
