Quinta-Feira, 07 Maiu 2026
S.E. Ministru MAE, Tomás do Rosário Cabral, nu’udar Prezidente Komisaun Organizadora ba Komemorasaun Restaurasaun Independénsia 20 de Maiu, konvoka reuniaun ho Ekipa Komisaun Organizadora hodi ko’alia kona-ba preparasaun tékniku husi kada seksaun ba eventu importante ida ne’e.
Reuniaun ne’ebé hala’o iha sala VIP MAE, Sua Excia Ministru orienta kada seksaun atu foka ba servisu preparasaun loron nasionál ne’e, no inklui mos parte F-FDTL no PNTL atu hare mos sira nia parte nudar seguransa nasionál, nomos husi instituisaun relevante sira hanesan Parlamentu Nasionál, MNEC no Tribunál de Rekursu, atu identifika konvidadus de honra sira ne’ebé mak sei partisipa iha komemorasaun ne’e, atu nune’e parte protokolu sira bele halo preparasaun ho di’ak.
Serimónia Komemorasaun Loron Restaurasaun Independénsia ba Dala,(24) tinan ida ne’e sei komemora iha Tasi-Tolu, ho Tema mak:
“Juntos Construíremos uma Pátria cada vez mais justa, Inclusiva e Resiliente”
ne’ebé hetan ona
aprovasaun husi reuniaun Konsellu Ministru iha loron 15 Abril 2026 iha Palásiu Governu.
#Hotu
#Medi@Mae_2026
