DILI, 23 JUÑU 2026
S.E. Vice-Ministru Administrasaun Estatál Jacinto Rigoberto Gomes de Deus, hamutuk ho Sua Excelénsia Sekretáriu Estadu Asuntu Toponímia no Organizasaun Urbana (SEATOU) Germano Santa Brites Dias., Funsionárius, partisipa iha serimónia simu isin-mate saudozu Eis Prezidente RDTL, Dr. Francisco Guterres Lu-Olo, iha Aeroportu Internasionál Prezidente Nicolau Lobato, Díli.
Saudozu Dr. Francisco Guterres Lu-Olo nu’udar, Eis Prezidente Asembleia Konstituente, Eis Parlamentu Nasionál, Eis Prezidente Repúblika Demokrátika Timor-Leste no Prezidente Partidu FRETILIN no Figura ne’ebé iha Influénsia ba Luta Libertasaun Nasionál,
Nu’udar lider nasional ida, saudozu Dr. Francisco Guterres Lu-Olo fó kontribuisaun bo’ot iha prosesu luta ba independénsia no iha konstrusaun Estadu Timor-Leste. Nia servisu no dedikasaun kontinua sai ezemplu no inspirasaun ba jerasaun sira tuir mai.
Mate-isin saudozu eis-Prezidente Repúblika Dr. Francisco Guterres Lu-Olo to’o iha Aeroportu Internasionál Prezidente Nicolau Lobato, Díli, liu husi aviaun Aero Dili. Hafoin to’o, Governu no entidade sira simu ho serimónia ofisiál ho parade militar iha aeroportu.
Serimónia ne’e reflete respeitu no konsiderasaun a’as Estadu no povu Timor-Leste nian ba kontribuisaun no servisu ne’ebé saudozu Dr. Francisco Guterres Lu-Olo halo ba nasaun no povu Timor-Leste durante nia moris
