DÍLI, 03 Juñu 2026— Sua Exelénsia Vise Ministru Administrasaun Estatál Em Ezersísiu, Jacinto Rigoberto Gomes de Deus, hala’o enkontru ho delegasaun husi Japaun iha Salaun Vise Ministru, Ministériu Administrasaun Estatál, MAE.
Enkontru ne’e hodi asiste aprezentasaun kona-ba Aplikasaun Spectee, nu’udar solusaun AI ba Jestaun Krise no Dezastre. Programa ne’e parte ida husi inisiativa Smart City iha Timor-Leste husi programa Smar JAMP.
Plataforma integradu AI ho SNS ne’e sei fó informasaun kona-ba jestaun dezastre iha tempu-reál. Objetivu atu fasilita resposta no foti desizaun ho lalais no atempadu. Ho tulun husi AI, utilizadór sira bele vizualiza krize ka dezastre ne’ebé akontese iha rai laran iha tempu-reál.
Programa ne’e fasilita husi Ministériu Infraestrutura, Transporte no Turizmu Japaun, MLITT. Desde 2021, Governu Japaun apoia introduz teknolojia Smart City iha rejiaun ASEAN. Tanba Timor-Leste sai membru ASEAN iha 2025, Governu Japaun hili Timor-Leste hodi introdús programa ne’e iha 2026.
Ekipa MLITT hetan mandatu atu halo peskiza iha Timor-Leste durante períodu Marsu 2026 to’o Marsu 2027. Objetivu atu avalia oportunidade potensiál atu implementa teknolojia smart city no haree oinsá bele kontribui ba dezenvolvimentu smart city.
Vizita dahuluk 22 Juñu to’o 04 Jullu 2026. Konsege reuniaun ona ho parte interesada sira relevante husi Governu, setór privadu no parseiru dezenvolvimentu. Vizita daruak Sei akontese iha Janeiru 2027 hodi aprezenta progresu serbisu nian
#Hotu
#Medi@MAE_2026
