14 Jullu 2026,
S.E. Ministru MAE, Tomás do Rosário Cabral ho Ekipa kontinua hala’o reuniaun ho Arcebispo Metropolitana Dili,Dom Virgilio Cardeal Do Carmo, Iha Gabinete Ministru Administrasaun Estatal, hodi kontinua diskute kona-ba atualizasaun reuniaun ho Arsebispo Évora semana hirak liu ba konaba prosesu transladasaun liu husi serimónia relijiozu no protokolar iha territóriu Portuguesa.
Durante reuniaun ekipa diskute no atualiza informasaun sobre progresu konstrusaun obra neebe oras nee la’o hela hanesan Jardim memória iha arredores Katedrál, Manutensaun kiik iha Prasa Tasi-Tolu, Monumento iha Mihara-Lautem, no Ponte Manatuto.
Serimonia Transladasaun ba restus mortais Saudosos Prelados hanesan Bispu dahuluk Timor nian, Dom Jaime Garcia Goulart, Bispu daruak Dom José Joaquim Ribeiro no Administradór Apostóliku Monseñor Martinho da Costa Lopes husi Lisboa, Portugal mai Timor-Leste, sei realiza iha fulan Setembru 2026 no sei hala’o programa sira tuir ajenda ne’ebé mak Komisaun Organizadora kompostu husi Governu no Igreja prepara ona.
Sekuensia ka programa sira ne’ebé mak sei hala’o iha periodu ida ne’e mak parte Komisaun Organizadora kompostu husi Governu–Igreja kontinua hala’o kordenasaun servisus hodi halo preparasaun másimu atu nune’e programas planeadu bele realiza ho diak iha prosesu tomak Trasladasaun restos mortais Saudosos Prelados nain tolu husi Portugal mai Timor–Leste no mos programas ne’ebé sei realiza iha Timor Leste bele la’o ho susesu.
Reuniaun ba loron ohin nian mak, presensa husi Prezidente CET, ne’ebé mós Arsebispu Arkidioseze Metropolitana Dili, Dom Virgílio Cardeal do Carmo da Silva, SDB, akompaña husi ekipa CET, hamutuk ho Ministru MAE, Tomás do Rosário Cabral, Xefi Gabinete MAE Benigno H. da Cruz, DG-SMAL Maria Goretti Marques Belo, DG-SC Angelo Urbano Fernandes no ekipa husi ADN.
#Hotu
#Medi@MAE_2026