DILI, Tersa-Feira, 13 Janeiru 2026 —Sua Exelénsia Ministru Administrasaun Estatál, Tomás do Rosário Cabral, hamutuk ho Sekretáriu Estadu Asuntu Toponímia no Organizasaun Urbana (SEATOU), Germano Santa Brites Dias, ho Sekretáriu Estadu Dezenvolvimentu Lokál (SEDL) Mateus W. dos Santos Tallo, partisipa iha serimónia abertura Taça da Liga 2025. Eventu ne’e organiza husi Federasaun Futeból Timor-Leste (FFTL) iha Otél Timor.
Serimónia ne’e partisipa mós husi Primeiru-Ministru no atuál Prezidente Klube AD. S.L. B, Kay Rala Xanana Gusmão, hamutuk ho membru IX Governu Konstitusionál, Prezidente Autoridade Munisipál no Autoridade Administrativa Atauro, Prezidente Asosiasaun Futeból Munisipál, Prezidente Klube, Sekretáriu-Jerál Klube, no Kapitaun Ekipa sira.
Taça da Liga 2025 sei hahú ofisialmente iha loron 17 Janeiru 2026 iha Estádiu Munisipál Dili no sei konklui iha loron 28 Fevereiru 2026. Klube hamutuk 13 mak sei kompete iha torneiu ne’e.
Klube sira ne’ebé partisipa mak hanesan EMMANUEL FC, AD. S.L. B, AITANA FC, ASSALAM FC, D.I.T. FC, NAGARDJO FC, PORTU TAIBESSE FC, CORAÇÃO FC, FIEL FC, LICA-LICA LEMORAI, KARKETU DILI FC, AS MARCA, NO SANTA CRUZ FC. Jogu abertura husi ekipa EMMANUEL FC hasoru AD. S.L. B.
#Remata
Medi@Mae_2026
