Segunda-Feira, 16 Marsu 2026 – S.E. Primeiru Ministru Kay Rala Xanana Gusmão, hamutuk ho Membru Governu Da-Sia hala’o Inaugurasaun ofisiál ba edefisiu Dirasaun Munisipál de Transportes no Komunikasoens, DMTC iha Munisípiu Lautem.
Inaugurasaun ba edefisiu foun DMTC Lautem ne’e nudar prestasaun servisu ba munisípiu sira hodi prienxe kondisaun Minima iha Munisipiu Lautem nian hodi Haka’at ba politika desentralizasaun poder lokál.
Iha biban ne’e, S.E. Ministru MTK, Miguel M. Manetelo hato’o nia Agradesementu wain ba Ministru Administrasaun Estatál atravez fundu dezenvolvimentu munisipál bele realiza hodi konstrui edefisiu ida-ne’e hodi bele apoia servisu DMTC iha Munisípiu Lautem.
Nu-entantu Prezidente Autoridade Munisípiu Lautem, Melio de Jesus iha biban hanesan lori povu Lautem nia lian hato’o agradesimentu ba Governu Da-Sia bele estabelese ona edefisiu Dirasaun Munisipál Transportes Komunikasoens iha Lautem, ho prezensa edefisiu ida-ne’e PAM Lautem iha nia espetativa ba futuru bele rekolla Taxa ho valór bo’ot ba kofre Estadu, afirma PAM Lautem MeliodeJesus iha nia diskursu.
Inaugurasaun ofisiál ba edefisiu foun DMTC Lautem hetan prezensa husi intelektuál Lautém oan sira no membru governu no membru Parlamentu Nasionál no Tenente Jenerál F-FDTL Reformadu, Lere Anan Timur, Majór Jenerál F-FDTL Joâo Miranda “Aluk Descartes” no komitiva sira husi Nasionál.
#Hotu
#Medi@Mae_2026
