Natarbora, 29 Marsu 2026 – Sua Exelénsia Primeiru-Ministru, Kay Rala Xanana Gusmão hamutuk ho Sua Exelénsia Ministru Administrasaun Estatal, Tomás do Rosário Cabral, no Membru Governu Konstituisional Da-Sia partisipa iha selebrasaun missa Domingu Ramos hamutuk ho sarani sira iha Igreja Parokia Imaculada da Conceição, Natarbora.
Selebrasaun missa Domingu Ramos ne’e hahu ho bensaun Ramos iha rezidénsia Pároku no kontinua ho prosisaun ba iha Igreja Parókia Imaculada da Conceição, Natarbora.
Iha Eukaristia santa ne’e Selebra hosi Amu Pároku, Pe.Eusebio Puro Duli. Iha nia homilia “Ho selebrasaun Domingu Ramos ka Domingu Paixaun ida ne’e, ita hahú ona tama ba semana santa. Ohin ita hahú prosisaun ho ramos hodi hananu ‘hosana David Oan’, Knananuk ida ne’e expressa Jesus núdar Liurai loloos no Vitoria”
Selebrasaun eukarista ne’e lao ho di’ak, ho partisipasaun barak husi komunidade no hamosu espiritu fé, unidade no devosaaun iha povu Natarbora.
Remata
Medi@mae_2026
