Plenáriu kontinua diskute no aprova iha especialidade Orsamentu Retifikativu ba tinan 2026
Parlamentu Nasionál, liu husi Sesaun Plenáriu Ordináriu, iha loron 1 fulan juñu tinan 2026, Deputadu sira kontinua hala’o diskusaun ho Governu no votasaun iha espesialidade ba Proposta Lei nú 31/VI (3ª) – alterasaun dahuluk ba Lei nu 8/2025, loron 27 fulan novembru, Orsamentu Jeral Estadu ba Tinan 2026.
Diskusaun ne’e nafatin ho prezensa husi Sua Eselensia Primeiru-Ministru, Kay Rala Xanana Gusmão akompaña hosi Sua Eselensia Ministru Administrasaun Estatal, Tomás do Rosário Cabral hamutuk ho membru IX Governu Konstitusionál inklui Prezidente Autoridade Munisipal.
Orsamentu Ratifikativu Minisipiu Aileu pasa ho a favor 41, kontra 0, Abstensaun 21. Minisipiu Ainaru pasa ho a favor 41, kontra 0, Abstensaun 21. Autoridade Administrativa Ataúro pasa ho a favor 41, kontra 0, Abstensaun 21. Minisipiu Baucau pasa ho a favor 43, kontra 0, Abstensaun 19. Minisipiu Bobonaro pasa ho a favor 43, kontra 0, Abstensaun 21. Minisipiu Covalima pasa ho a favor 42, kontra 0, Abstensaun 23. Minisipiu Dili pasa ho a favor 42, kontra 0, Abstensaun 23. Minisipiu Ermera pasa ho a favor 42, kontra 0, Abstensaun 23. Minisipiu Laútem pasa ho a favor 44, kontra 0, Abstensaun 21. Minisipiu Liquiça pasa ho a favor 43, kontra 0, Abstensaun 22. Minisipiu Manatuto pasa ho a favor 43, kontra 0, Abstensaun 22. Minisipiu Manufahi pasa ho a favor 42, kontra 0, Abstensaun 23. Minisipiu Viqueque pasa ho a favor 43, kontra 0, Abstensaun 22.
Entertantu Orsamentu Retetifikativu ba kada ministeriu, Parlamentu Nasionál aprova, MAE hetan aprovasaun Orsamentu Retifikativu ho total $.21.796. 484.
Kontinuasaun diskusaun no aprovasaun ba loron ohin nian, nafatin iha Artigo 4.º – Alteração ao anexo à Lei n.º 8/2025, de 27 de novembro. Diskusaun no aprovasaun tuir tabela orsamental ne’ebé deskreve orsamentu ba kada linha Ministérial sira no Instituisaun sira ne’ebé sofre alterasaun.
Iha diskusaun ne’e, Deputadu sira hato’o kestaun ligadu ho implementasaun programa sira Governu nian ne’ebé orsamentadu ona, no problema sira ne’ebé mosu iha baze, no preokupasaun hirak ne’e hetan imediata resposta husi Governu, hafoin kontinua ba aprovasaun orsamentu ba linha Ministerial, orgaun soberanu sira, Instituisaun autonomo sira, no Autoridade Munisipal sira.
Diskusaun espesialidade ne’e sei kontinua iha loron 2 fulan juñu tinan 2026, ba Instituisaun sira seluk ne’ebé seidauk aprova.
Sesaun Plenária Extraordinária ne’e prezidi husi Prezidente Parlamentu Nasionál, Sra. Maria Fernanda Lay no akompaña husi membru Meza sira.
#Hotu
#Medi@MAE_2026
