Bazartete: 22 Julho 2026.
S.E. Ministru MAE, Tomás do Rosário Cabral, partisipa iha seminár Estudo Comparativo kona-ba Boas Praticas entre Postu Administrativu husi 12 munisipius iha Postu Administrativu Bazartete, Munisípiu Liquiça.
Eventu ba Estudo Komparativu kona-ba “Boas Prátikas Entre Postu Administrativu” sira ne’e, IX Governu Konstitusional liu husi Ministériu Administrasaun Estatál fasilita ba Autoridade Postu sira ho Objetivu mak Provavelmente atu fahe esperiénsia, no haree saida mak servisu di’ak iha postu ida ba postu seluk. Ne’e parte ida husi preparasaun ba Desentralizasaun Administrativa no avaliasaun ne’ebé Komisaun AKM sei halo iha faze Da-ruak.
Iha biban ne’e, S.E. MAE, Tomás do Rosário Cabral husu ba PAM sir atu kontinua konvoka reuniaun alargada kada fulan ho APA sira iha munisipiu atu nune’e bele iha lasu amizade entre APA sira.
S.E. Ministru MAE husu ba APA sira atu halo reuniaun ho Suku sira no halo kontrola mos ba uma aluger sira tamba APA no Xefi Suco sira mak ukun besik liu ho povu sira.
Realizasaun eventu ba ESTUDO COMPARATIVO Kona-ba “BOAS PRÁTICAS ENTRE POSTO ADMINISTRATIVO” sira organiza husi Diresaun Jerál de Simplificação e Modernização da Administração Local (DGSMAAL) no mós Diresaun Jerál de Desentralização e no Governo Lokal (DGDGL). Eventu ne’e abertura husi DG-DGL, Sr. António A. Guterres, iha sesaun dader nian no ensera husi S.E. Ministru MAE, Tomás do Rosário Cabral iha parte lokraik.
Atividade ne’e la’o ho di’ak, tuir orden, no hetan partisipasaun másimu husi Autoridade Postu Administrativu sira no funsionáriu lokál.
