Iha vizita ne’e, S.E. Vise-Ministru mos visita Autoridade Suku Atudara no Suku Purugoa hodi observa diretamente servisu hosi funsionáriu na’in ha’at ne’ebé Governu destaka atu presta atendimentu ba komunidade iha área refere.
Durante vizita, S.E. Vise-Ministru (MAE) hato’o mos Nia apresiasaun ba Autoridade Munisípiu Bobonaro tanba rezultadu Avaliasaun Kondisaun Mínima iha tinan kotuk hatudu katak Munisípiu Bobonaro konsege hetan rezultadu ne’ebé di’ak tebes.
S.E. Vise Ministru MAE, Jacinto Rigoberto afirma liu tan katak rezultadu pozitivu ne’e sai motivasaun ida ba ministériu atu kontinua halo monitorizasaun direta iha terenu. Membru Governu ne’e, sei ba liu Bobonaro hodi asegura katak servisu ne’ebé implementa iha área administrasaun públika la’o tuir padraun no hanesan duni ho rezultadu ne’ebé deskreve iha avaliasaun oficial.
Iha okaziaun ne’e, Administrador Posto Administrativo , Rodolfo da Cruz, husu ba Governu sentrál atu kontinua fó apoiu liu husi formasaun kapasitasaun ba funsionáriu sira atu hasa’e koñesimentu no kapasidade téknika, hodi hadi’a liu tan kualidade servisu públiku no hatán di’ak liu ba nesesidade komunidade.
#Hotu
Medi@MAE-2026
