20 de Maiu, Loron Kuarta Feira,2026- Hahu ho serimónia isar Bandeira Nasionál Iha Prasa Tasi-Tolu Dili.
Serimónia isar bandeira nasionál ne’e hahu husi oras tuku sia dader ho kanta inu nasionál patria-patria, serimónia ne’e asisti husi povu iha teritoriu Timor-Leste atravez kannal televizaun nasionál hanesan RTTL, no kannal sira seluk, SMNEWS, Tatoli, IP, no media streaming sira fó importansia ba serimónia importante ne’e, liu husi transmisaun direta ba públiku
Programa ba serimónia loron restaúrasaun Independensia aniversariu ba tinan(24) ne’e, partisipante VIP no VVIP sira hotu husi rai laran tantu husi rai liur hola prezensa antes iha oras tuku walu hodi hein S.E. Presidente Repúblika to’o iha fatin serimónia, enkuantu S.E. Presidente Repúblika to’o hahu kedas ho inspesaun formatura ba parada militar iha kampo no kontinua ba serimónia a’as liu mak hasa’e bandeira nasionál.
Aniversariu tinan 24 ba loron restaúrasaun ne’e marka historia importante ba povu no estadu tomak hanesan haktuir iha diskursu husi S.E. Prezidente Ramos-Horta kona-ba Dezenvolvimentu Umanu, no progresu sira seluk ne’ebé rezumu iha pontus nen mak hanesan;
1. Indice Desenvolvimentu Humanu, IDH sa’e signifikativu, Timor-Leste nia IDH agora 0,634. Tama ona kategoria médiu, pozisaun 142º mundu. Kompara ho 2000 ne’ebé 0,507 de’it.
2. Joven barak, maibé dezafiu boot, Liu hosi 56% populasaun tinan okos 25. Maibé kiak no asesu limitadu ba servisu báziku sei aas iha área rurál.
3. Edukasaun superiór buras tebes, Husi universidade 1, iha 2002, agora iha 20 universidade ho kuaze 69 mil estudante. Iha ona 200+ doutoradu no 1,400 mestradu.
4. Investimentu ba kapital umanu, Entre 2011-2025, Governu fó ona 11,700 bolsa estudu ba 28 nasaun. Agora presiza transforma matenek ne’e ba produsaun no serbisu.
5. Saúda papél Igreja no parseiru sira, Rekoñese kontribuisaun Igreja Katólika, Islámika, Protestante, no kooperante estranjeiru sira ba dezenvolvimentu nasaun nian.
6. Projetu foun ba estudante feto, EAU sei harii rezidénsia modernu ba estudante feto kbiit laek besik Prezidénsia. Remata 2027, ho enerjia solar no klínika rasik.
Hafoin remata Diskursu S.E. Presidente Repúblika hamutuk ho S.E. Primeru-Ministru no bainaka sira VVIP no VIP husi rai liur no rai laran hetan kedas akompañamentu husi presidenti komisaun organizadora, S.E. Ministru MAE, Tomás do Rosário Cabral ho membrus komisaun lori kedas ba fatin koctail nian hodi ko’a bolu no loke sampaña hanesan jestu husi espresaun kontenti nian ba loron aniversariu(24) restaúrasaun Independensia ba povu no nasaun Timor-Leste.
#Hotu
#Medi@MAE_2026
