Baucau, 15 Juñu 2026.
Ministériu Administrasaun Estatál (MAE), liuhusi Diretór-Jerál Desentralizasaun no Governu Lokál (DG-DGL), Sr. António Augusto Guterres, hamutuk ho Diretór Nasionál Administrasaun no Finansas (DNAF), tun direta ba terrenu hodi hala’o monitorizasaun iha Postu Administrativu Baucau Villa.
Objetivo prinsipál husi vizita traballu ne’e mak atu ko’alia no avalia kestaun kona-ba organizasaun arkivu, implementasaun Programa Nasionál Dezenvolvimentu Suku (PNDS), servisu internu, nune’e mós haree besik liu ba estrutura no dezempeñu servisu nian iha Postu Administrativu Baucau Vila.
Iha inkontru ne’e, parte Ministériu nian ho autoridade lokál sira diskute kle’an kona-ba oinsá kbiit servisu nian bele la’o ho di’ak liután hodi responde ba nesesidade komunidade nian.
Vizita ne’e mós hanesan pasu importante ida hodi hatudu katak Governu liuhusi MAE nia kompromisu bo’ot tebes atu kontinua hadi’a no lori prestasaun servisu públiku ne’ebé ho kualidade, efisiente, no transparente liután. Ho nune’e, bele servi ho di’ak no fó resposta lalais ba preokupasaun no nesesidade bázika hotu husi komunidade sira iha Postu Administrativu Baucau Vila.
#Hotu
#Medi@MAE_2026
