Iha loron 9 Novembro 2015, S.E Primeiro Ministro, Rui Maria de Araújo, halo Lansamento Placa Toponímia no Enumerasaun Uma “Liu Husi Tiponímo, Ita Hadia Dili Sai Cidade Cívica” objectivo husi lançamento ne’e atu halo atribuisaun ba toponimus no enumerasaun liu husi area prinsipais nebe populasaun iha henesan mos atu apoiu prosesu Deskonsentrasaun Administrativa.
S.E Primeiro Ministro, louva tebes servisu Ministerio Administrasaun Estatal tamba liu husi prosesu ida nebe naruk maibe konsege ona tau naran no tau numero ba uma sira iha sidade laran, lolos atu implementa iha programa 100 dias VI GC tamba prosesu ida nebe naruk tebes so ohin foin bele realiza, S.E Primeiro Ministro, espera katak Loron, Semana, Fulan hirak mai Dili laran sei identifika hotu ona ho ruas, abilitasoens sira nebe iha bele hetan ona enumerasaun.
Liafuan ikus husi S.E Primeiro Ministro apela ba Ministerio Administrasaun Estatal, atu hahu mos hanoin ona konaba prosesu hanesan ba Munisipiu sira, Posto Administrativu sira seluk i ba mos Suco sira nebe ninia ordenamentu komesa halo dadauk ona, nia aruamentu sira komesa iha dadauk ona, antisipa dadauk ona ho bazeia ba resolusaun nebe Konselho Ministro aprova tiha ona, iha prinsipiu orientadores iha neba atu bele Munisipiu sira mos hahu hanoin to’o nivel nebe ita hotu hanoin katak realistico bele hahu implementa ona.
Lançamento nee hetanpartisipasaun masimu husi S.E Ministro de Estado, Coordenador dos Assuntos da Administração do Estado e da Justiça e Ministro da Administração Estatal, Senhor Dionísio Babo Soares, S.E Secretário de Estado da Administração Estatal, Senhor Samuel Mendonça, S.E Secretária de Estado das Artes e Cultura, Senhora Maria Isabel de Jesus Ximenes, Corpos Diplomatico, Director Gerais, Director Nasionais, Administrador Munisipio Dili, Chefe do Suco no Funsionario Sira.
