Vizita ne’e sai nu’udar oportunidade ba Primeiru-Ministru no Ministru atu hala’o diskusaun kona-ba asuntu importante sira, liuliu komemorasaun Loron Konsulta Populár ne’ebé sei mai, momentu istóriku ida ne’ebé simboliza povu timoroan nia aten-barani no determinasaun ba independénsia, no servisu públiku oi-oin ne’ebé oras ne’e daudaun Ministériu Administrausaun Estatal hala’o hela. No oras ne’e dadaun MAE halo hela preparasaun ba loron konsulta popular ne’ebé sei realiza iha loron 30 Agosto.
Sua Exelénsia Ministru MAE, Tomás do Rosário Cabral fó vizaun jerál ida kona-ba Ministériu nia programa no esforsu sira ne’ebé la’o daudaun atu hametin governasaun lokál, hadi’a sistema administrativu sira, no garante servisu efisiente to’o ba komunidade sira iha munisípiu hotu.
Primeiru-Ministru hato’o nia apresiasaun ba serbisu Ministériu nian no subliña importánsia ba melloramentu ba kontínuasaun hodi serbí povu Timor-Leste.
Vizita surpréza ne’e subliña S.E. Primeiru-Ministru Kay Rala Xanana Gusmão nia kompromisu atu nafatin envolve besik ho instituisoens governu nian hodi garante katak preparasaun ba komemorasaun nasionál sira hala’o ho dignu enkuantu reforsa mós papél MAE nian hodi promove governasaun ida di’ak, transparénsia, no dezenvolvimentu to’o iha nivel komunitáriu sira.