Segunda Feira, 13 Abril 2026—Komisaun Organizadora konpostu husi Diretores Gerais, direta no indereta, Diretores Nasionais no Chefi Gabinete Ministru MAE, hodi deskuti kona-ba komemorasaun loron restaurasaun Independensia 20 de Maiu ba tinan 2026.
Reuniaun ne’e hetan orientasaun husi S.E. Ministru Administrasaun Estatal, Tomás do Rosário Cabral baseia ba Despaxu Nu. 17/M-MAE/II/2026 kona-ba estabelese Komisaun Organizadora ba eventu 20 de Maiu no 28 de Novembru 2026, ne’bé koalia kona-ba preparasaun teknika ba Komemorasaun tinan 24 restaurasaun Independensia 20 de Maiu.
Reuniaun ne’e, koalia mos kona-ba preparasaun máximu ba aktividades divertimentu, prepara orsamentu, nomos kordenasaun ho instituisaun relevante sira. Alein de koalia atividade devertementu sira Komisaun Organizadora koalia mos kona-ba planu ba konsertu muzikal ne’ebé sei hala’o husi loron 18 to’o loron 20 de Maiu Maiu no eventu tomak sei hala’o iha Tasi Tolu, Dili. Nu-entantu reuniaun ne’e, dirijie husi Diretora Jeral Simplifikasaun Modernizasaun no Administrasaun Lokál, Maria Goretti Marques Belo hamutuk ho ekipa komisaun Organizadora iha salaun reuniaun gabinete MAE.
#Hotu
#Medi@Mae_2026
