Kinta Feira, 16 Abril 2026 – S.E. Ministru Administrasaun Estatál Tomás do Rosário Cabral hala’o reuniaun ida ho Sekretary Jeral g7+ Helder da Costa hodi diskuti kona-ba inisiativa kolaborasaun entre MAE ho g7+ iha futuru atu bele fortalece relasaun servisu no promove dezenvolvimentu sustentavel iha nasaun.
Iha reuniaun ne’e, parte rua diskuti área sira prioritáriu hanesan governasaun lokál, dezenvolvimentu institusionál, no kapasidade administrativa iha nível munisipál. Ministru Administrasaun Estatál sublinha importánsia kolaborasaun ho g7+ atu hasa’e efisiénsia servisu públiku no garante implementasaun programa governu nian ho di’ak liu.
Reprezentante husi g7+ mos hatudu kompromisu atu kontinua apoiu Timor-Leste liu husi partilha esperiénsia, kooperasaun téknika, no inisiativa inovadora sira ne’ebé bele kontribui ba estabilidade no progresu nasaun nian.
Enkontru ne’e realiza iha ambiente amigável no parte rua iha komitmentu ho esperansa katak kolaborasaun entre Ministériu Administrasaun Estatál no g7+ sei kontinua forte iha futuru, hodi lori benefísiu diretu ba povu Timor-Leste.
Reuniaun ne’e, akompana husi Diretora Geral Diresaun Geral Simplifikasaun Modernizasaun no Administrasaun Lokal (DG- SMAL) Maria Goretti Marques Belo, husi MAE, no Vise Secretary Geral, Habib mayar, Chefe Operasional, Felix Piedade no ekipa husi g7+.
#Hotu
#Medi@Mae_2026
