Sexta-feira, 17 Abril 2026 – Xefe Gabinete Ministériu Administrasaun Estatál, Benigno Humberto G. da Cruz, diriji reuniaun ida ho ofisial relevantes iha Ministériu Administrasaun Estatal (MAE), hanesan Gabinete Membro Governo, Diresaun Jeral no Unidade tutelado MAE, hodi diskuti kona-ba estabelesimentu normas grafiku Administrativu nian.
Iha reuniaun ne’e, Xefe Gabinete MAE introdus no esplika sirkular Sua Exelénsia Ministru nian ne’ebé foin sai. Sirkular ne’e fó enfase liu ba organizasaun no padronizasaun servisu administrativo em jeral ba Diretor-Geral no Xefe Gabinete sira, xefi Unidades atu garante katak prosesu administrativu lao ho forma úniku no sistemátiku.
Liu husi implementasaun normas grafiku ne’e, fiar katak servisu iha MAE bele kumpri no tuir sekuénsia prosedimentu sira ne’ebé preve ona iha Sirkular Ordem Servisu Nú. 02/M-MAE/IV/2026, hodi asegura efisiénsia no koerénsia iha ezekusaun tarefas institusionál sira.
Reuniaun ne’e konsidera importante atu hadi’a sistema servisu administrativu no hametin koordenasaun entre unidade sira iha Ministériu Administrasaun Estatál.
Reuniaun ne’e, realiza iha salaun enkontru MAE no marka mos prezensa husi Assessor, Diretores no tekniku Administrativu husi Gabinete no Unidade tuteladu sira.
#Hotu
#Medi@Mae_2026
