Atividade ne’e, Inspetor Jeral foka liu ba dispozisaun legal sira ne’ebé regula kona-ba assédiu seksuál, tuir Lei sira hanesan sita iha artigu (75 nu.1). husi Lei nu. 5/2009,) loron 15 Juñu, ne’ebé mak hetan alterasaun dahuluk husi Lei nu.8/2004), loron 16 Juñu (Estatutu Funsaun Públika). Iha lei refere, esplika assédiu seksuál konsidera hanesan infrasaun disiplinar grave ne’ebé bele lori konsekuénsia legal no administrativu ba funsionáriu públiku sira ne’ebé komete.
Iha intervensaun durante atividade ne’e, Inspetór Jeral esplika katak disseminasaun Lei importante tebes atu garante katak lideransa iha instituisaun públiku sira kompriende di’ak sira nia dever no responsabilidade, no mós atu kria ambiente servisu ne’ebé seguru, respeituzu no livre husi forma hotu-hotu violénsia ka abuzu.
Reuniaun ne’ebé hala’o iha salaun VIP MAE, hetan mos presensa husi S.E. Ministru MAE, Tomás do Rosário Cabral hodi halo abertura no hato’o mos referensia balun nudar mata-dalan ba kargu diretores sira antes hahu diskusaun.
#Remata
MediaMae@2026
