“Hamutuk Ita Sei Konstrui Pátria Ida Ne’ebé Justu Liu, Inkluzivu no Reziliente”
19 de Maiu 2026
Iha àmbitu komemorasaun Loron Restaúrasaun Independensia 20 de Maiu, atividade ba loron ohin nian mak membrus Governu, hamutuk ho funsionarius no komunidade sira partisipa iha misa solene ba agradesementu Komemorasaun loron Restaúrasaun Independensia nian ba Dala-(24) iha Igreja Katedral Dili.
Iha misa agradesementu ne’e, partisipa husi S.E. Primeru Ministru, Kay Rala Xanana Gusmão, no Presidenti Komisaun Organizadora, S.E. Ministru MAE, Tomás do Rosário Cabral hamutuk ho membru komisaun organizadora, no komunidade sira. Hafoin misa remata, Presidenti K.O. hato’o mos agradesementu ba partisipante sira hotu ne’ebé hola parte iha misa agradesementu ne’e.
Nu-entantu iha biban hanesan, Presidenti Komisaun informa mos kona-ba sequensia ba fó onra ba Heroi da patria sira ne’ebé mak sakrafika ona sira nia vida ba ukun rasik-an ne’e mak liu husi tau aifunan ba iha fatin ha’at mak hanesan, estatua Nicolau Lobato, Mercusuar (Farol), estatua monumentu Proklamador, Francisco Xavier,
no Semitériu Santa Cruz.
Selebrasaun misa agradesimentu ne’e, prezide husi Amu Selebrante Graciano Barreto, akompana husi Amu Angelo Salainha, no partisipa iha misa agradesementu ne’e mak Membrus Governu, Membrus Parlamentu Nasional, Veteranus, PNTL, F-FDTL, Confisaun relijioza, sociedade civil, Funsionarius, Estudantes no Sarani sira hotu.
#Hotu
#Medi@MAE_2026
