Enkontru husi parte rua ne’e, ho objetivu mak atu define servisu Institutu Nasionál Siguransa Social, INSS ne’ebé sei presta liuhusi Balcão Único no Portal Municipal. Servisu inter-Administrativu ne’e, baseia ba baze legal husi Konstituisaun RDTL- Administrasaun Públika tenke evita burokratizasaun, hakbesik servisu ba povu, no garante partisipasaun sidadaun.
Implementasaun servisu Dezkonsentrasaun/Desentralizasaun, Governu kria Balcão Único atu hakbesik servisu públiku ba populasaun, inova interasaun ho Administrasaun, fasilita informasaun no pedidu servisu.
Portal Municipal presiza kolaborasaun ativa entre servisu oioin, no Efisiensia Balkaun Úniku nian maka atu Poupa tempu, no simplifika prosedimentu, transparénsia, atendimentu ba populasaun sira hodi hamenus kustu operasaun, no aumenta efisiénsia alokasaun rekursu, hodi hadi’a kualidade servisu.
Servisu tekníku sira ne’ebé maka parte rua sei implementa iha servisu tekníku Balkaun Úniku no Portal Munisipál, baseia ba kontratu Inter-Administrativu ne’ebé selebra entre membru Governu rua, mak S.E. Ministru MAE, Tomás do Rosário Cabral e S.E. Ministra Solidaridade Social e Inkluzaun, Sra. Verónica das Dores.
#Hotu
#Medi@MAE_2026
