Data: 3/6/2026
Loron Kuarta Feira, MAE, Liu husi DG-SMAL hala’o enkontru ho ekipa husi Comissão Anti-Corrupção (CAC) hodi diskuti kona-ba prioridade servisu sira ne’ebé atu define bens no servisu Comissão Anti-Corrupção (CAC) ne’ebé sei presta liuhusi Balkaun Úniku no Portal Municipal
Servisu sira ne’e baseia ba baze legal Konstituisaun RDTL nian ne’ebé sita kona-ba Administrasaun Públika tenke evita burokratizasaun, hodi hakbesik servisu ba povu, no garante partisipasaun sidadaun nian.
Inplementasaun Dezkonsentrasaun/Desentralizasaun, Governu kria ona Balkaun Úniku atu hakbesik servisu públiku ba populasaun, hodi inova interasaun ho Administrasaun, no fasilita informasaun ba pedidu sira atu nune’e bele Poupa tempu, hodi simplifika prosedimentu, transparénsia, atendimentu sira hodi nune’e bele hamenus kustu operasaun, no aumenta efisiénsia alokasaun rekursu, hodi hadi’a kualidade servisu.
Akordu/Kontratu inter-Administrativu ida ne’e ho servisu kooperasaun mutua husi parte rua nune’e bele lori susesu Balkaun Úniku no Portal Municipal presiza kolaborasaun ativa husi órgaun no entidade oi-oin.
Akordu servisu ne’ebé parte rua sei implementa iha servisu, iha ne’ebé Artigu 8º Decreto-Lei nº 3/2025, 22 Janeiru fó dalan ba kontratu interadministrativu hodi define bens no servisu liuhusi Balkaun Úniku no Portal Municipal ne’ebé selebra entre S.E. Ministru MAE, Tomás do Rosário Cabral ho Komisariu Comisaun Anti-Corrupsaun, Dr. Rui Pereira dos Santos.
Enkontru ne’e, partisipa husi DGSMAL, Maria Goretti Marques Belo, DNSAPE, Benedito Escorcal Fernandes, xefi dep.Aleixo Soares, Xefi dep. João Luis, ho ekipa CAC nian iha salaun reuniaun MAE, Caicoli Dili.
#Hotu
#Medi@MAE_2026
