DÍLI, 23 Juñu 2026
Tersa-feira semana ne’e, Saudoza Joaquina Babo Soares, inan husi Embaixador Timor-Leste ba Nova Iorque, Dionisio Babo Soares, iha rezidénsia família nian iha Bebonuk Díli.
Membru Governu husi MAE no funsionáriu sira hato’o sentimentu ho laran kle’an no solidariedade ba família enlutada. Prezensa husi membru Governu no kolega sira ne’e hatudu respeitu no apresiasaun ba kontribuisaun no servisu ne’ebé família Babo Soares kontribui ona ba nasaun.
Durante visita ne’e, delegasaun MAE hato’o liafuan konsiderasaun no konsolasaun ba Embaixador Dionisio Babo Soares no família tomak, hodi fó forsa no hakmatek iha tempu laran susar ne’e.
Inan Doben Joaquina Babo Soares sei hela iha hanoin no rekordasaun família, belun no komunidade sira tanba nia dedikasaun no domin ne’ebé nia fó durante moris tomak.
Homenajen ikus ne’e lao ho atmosfera laran triste no respeitu, ho partisipasaun husi família, maluk no ema sira ne’ebé hakarak hato’o respeitu ikus ba saudoza Joaquina Babo Soares.
“Hakmatek nafatin iha Maromak nia liman, Inan Doben Joaquina Babo Soares.”
#HOTU
#MEDI@MAE_2026
