LISBOA, 26 JUÑU 2026 – Ministru Administrasaun Estatal, Tomás do Rosário Cabral ho Ministru Adjuntu no Reforma Estadu, Gonçalo Matias, asina akordu kooperasaun iha área simplifikasaun no modernizasaun administrativa hodi kontinua reafirma lasu amizade, kooperasaun no konfiansa entre nasaun rua ba iha implementasaun husi akordu kooperasaun.
Depois asinatura kontinua ho Reuniaun bilateral neebe mak realiza iha eskritóriu Ministériu Adjuntu Reforma Estadu, lokaliza iha Avenida João XXI, Ministru Administrasaun Estatal agradese ba koordenasaun, koolaborasaun no vontade diak husi Governu Portuguesa hodi bele realiza asinatura akordu kooperasaun iha loron ida nee, ne’ebe mak sei foka liu ba moderniza servisu públiku, reforsa transformasaun digital, melhora no efisiensia asesibilidade servisu, promove administrasaun públika ne’ebe tenki prioritiza liu ba sidadaun.
Iha sorumutu nee governante nain rua kontinua hato’o komitmentu polítika hodi bele implementa tuir asuntu importante ne’ebe mak mensiona iha akordu kooperasaun entre nasaun rua.
Durante reuniaun ne’e, Governante nain rua partilha esperiensia kona ba simplifikasaun administrativa, atendimentu integrada no transformasaun digital, reforsa importansia husi kooperasaun ba mellora prátika konstrui instituisaun públika ne’ebe efisiente, inklusiza no hakbesik liu tan atendimentu públika ba sidadaun.
Reuniaun no serimónia asinatura akordu kooperasaun nee akompanhia mos husi Embaixador Timor Leste iha Portugal, Manuel António Serrano,Sekretária Embaixada, no ekipa Ministériu Administrasaun Estatal.
