DÍLI, 28 de Julho de 2026
S.E. Ministru Administrasaun Estatál (MAE), Tomás do Rosário Cabral, kontinua konvoka reuniaun iha Salaun VIP MAE ho PAM Manatuto, PAM Lautém no Padre Parókia sira husi munisípiu rua ne’e.
Reuniaun ne’e atu atualiza informasaun kona-ba servisu tékniku no preparasaun husi parte munisípiu rua nian, kona-ba liña koordenasaun entre Governu no Igreja Katólika iha preparasaun simu restos mortais Bispu Timor-oan ne’ebé sei translada husi Portugal mai Timor-Leste iha fulan Setembru 2026.
Reuniaun ne’e mós atualiza progresu preparasaun serimónia no enfatiza katak koordenasaun di’ak entre Governu, autoridade munisipál, Igreja Katólika no entidade relevante sira sai fator importante atu garante katak serimónia ne’e bele realiza ho dignidade, orden, seguransa no susesu, afirma S.E. Ministru MAE.
Saudozu sira ne’ebé sei translada maka:
1. Dom Jaime Garcia Goulart
2. Dom José Joaquim Ribeiro
3. Monseñór Martinho da Costa Lopes
4. Dom Alberto Ricardo da Silva nia restos mortais prepara ona iha Dili
Tuir planu, restus mortais sira ne’e sei lori ba Laleia no hafoin sei halo’ot hamutuk iha Igreja Katedrál Dili. Sira nia moris fó kontribuisaun boot ba dezenvolvimentu Igreja Katólika, formasaun espirituál ba povu, no misaun pastorál sira iha nasaun Timor-Leste.
Partisipante sira iha reuniaun ne’e mak
Xefe Gabinete MAE, Benigno da Cruz, DG-SC, Ângelo Urbano, DG-SMAL, Maria Goretti Marques Belo, Diretór Nasionál sira, ADN, PAM Manatuto, PAM Lautém, APA Laleia no APA Manatuto, APA Tutuala, hamutuk ho Padre Paróku sira husi munisípiu rua.
#Hotu
#Medi@MAE_2026
