IDENTIDADE PESOAL

Moris iha Mape, Zumalai Munisípiu Covalima Timor-Leste iha loron 9 fulan Setembro tinan1986, hanesan oan primeiru husi Maun-Alin hamutuk nain 5 (lima).

EDUKASAUN FORMAL

Hahú nia edukasaun Ensinu Báziku iha Ensinu Báziku iha Zumalai, Munisípiu Covalima husi tinan 1992 too 1999. Tamba situasaun polítika iha momentu ne’eba, nune’e frekuenta fali ninia Ensinu Pre-Sekundária iha Eskola Katólika Canossa Has-Laran, Dili hahú husi Tinan 1999 too 2022 no frekuenta mos Ensinu Sekundária iha Eskola Katólika Canossa Has-laran husi tinan 2022-2025. Hafoin remata Ensinu Sekundária, kontinua tan ba Ensinu Superior iha Univeristas Merdeka (UNMER) Malang, Indonesia husi tinan 2025-2029.

KURSU KOMPLEMENTAR

Partisipa iha Kursu oi-oin hanesan workshop ka konferensia hanesan tuir mai ne’e:

• Kursu Profisional iha Lian Inglés (Pre-Intermdiate) iha LELI, Dili husi loron 8 Setembro 2021 – 15 Dezembro 2021, kompetente no hetan sertifikadu
• Kursu Profissional iha Lian Ingles (Elementary 2 – CEF A1) iha LELI, Dili hahú husi 11 Janeiru 2021 – 11 Maiu 2021, kompetente no hetan sertifikadu
• Kursu Kapasitasaun ba Fortalesimentu Mediasaun no Rezolusaun Disputas hahú husi loron 8 too 9 Jullu 2019 iha Dili, konklui no hetan sertifikadu partisipasaun
• Kursu Jestaun Sentru Formasaun Profissional iha tinan 2019 iha Lisboa Portugal, konklui no hetan sertifikadu partisipasaun
• Workshop kona-ba Kréditus Serbisu Kontabilidade no serbisu Website iha loron 8-10 Abríl 2019, konklui no hetan Sertifikadu Partisipasaun

ESPERIENSIA PROFISIONAL

• Promovidu ba Secretário Estado Dezenvolvimento Lokal (SEDL), Ministério Administrasaun Estatal (MAE) RDTL, no hanesan atual Membro do Guvernu KOnstitusional ba Periodu Mandatu 2023-2028
• Asumi Kargu hanesan Diretúr ba Formasaun Profsional iha SEFOPE hahú husi tinan 2019 too 2023 ho Grau B/6
• Asumi Kargu Hanesan Diretúr Nasional ba Diresaun Administrasaun no Financas iha SEFOPE hahú husi tinan 2018 too 2019 ho Grau B/6
• Asumi Kargu hanesan Xefe Departamentu Financas iha Diresaun Nasional Administrasaun no Financas hahú husi tinan 2013 too 2018 ho Grau C/5
• Asumi Kargu hanesan Tékniku Profisional iha Departamentu Financas, Diresaun Nasional Administrasaun no Financas nian hahú husi tinan 2010 too 2013.

P E R F Í L

SECRETÁRIO ESTADO DESENVOLVIMENTO LOCAL (SEDL)

Haktuir ba Decreto Lei no 49/2023 kona-ba Orgânica do Ministério da Administração Estatál (MAE), Sekertáriu Estado Dezenvolvimentu Lokal (SEDL) hanesan Sekretáriu Estado ida ne’ebé fo-tulun ba serbisu MAE hodi halao ninia knar liga ba assuntu Dezenvolvimentu Lokál liu-liu iha área sira Kona-ba Planu Dezenvolvimentu Munisipál, Planeamentu Dezenvolvimentu Komunitáriu, no Promosaun Efisiénsia iha Administrasaun Lokál. Maske nune’e, Sekretáriu Estadu Dezenvolvimentu Lokál bele subdelega podér sira-ne’ebé delega ba nia, ho podér subdelegasaun nian, hosi Ministru Administrasaun Estatál ba xefe servisu sentrál ka desentralizadu sira Ministériu Administrasaun Estatál nian. Tuir mai, Sekretáriu Estadu ba Dezenvolvimentu Lokál bele substitui Sekretáriu Estadu ba Asuntu Toponímia no Organizasaun Urbana (SEATOU) iha nia auzénsia wainhira presiza. Hanesan Membru Guvernu ida, Sekretáriu Estadu Dezenvolvimentu Lokál iha eskritóriu ida ba apoiu polítiku, tékniku, administrativu no protokolu, ne’ebé sujeita ba rejime jurídiku eskritóriu ministeriál sira-nian.

Hanesan Sekretáriu Estado ida, SEDL iha mos ninia serbisu Seksaun sira ne’ebé fo apoiu serbisu apoiu tékniku nomos administrasaun ba jestaun nomos operasaun Gabinete SEDL nian hanesan demonstra iha organigrama kraik. Tuir mai, SEDL mos iha Serbisu Apoiu Tékniku prinispál hamutuk Diresaun Nasional 3 (tolu) mak hanesan: Direção Nacional de Apoio ao Desenvolvimento Comunitário (DNADC), Direção Nacional de Apoio ao Desenvolvimento Municipal (DNADM), no Direção Nacional para a Promoção da Eficiência da Administração Local (DNPEAL). Diresaun hirak ne’e lidera husi Diresaun Geral ida hanaran Direção-Geral do Desenvolvimento Local (DGDL) ne’ebé koordena no halo supervizaun ba serbisu Diresaun Nasionais sira.