Vizaun no Misaun Ministeriu Administrasaun Estatal (MAE) bazeia ba programa IX Governu- RDTL nian:
Vizaun
Harí administrasaun públika ida desentralizada, efikáz no inkluziva, ne’ebé bele halo Estadu besik ba komunidades sira no dezenvolve sistema lokal ida forte ne’ebé bele serbí ba dezenvolvimentu sustentavel iha Timor-Leste.
Misaun
Kompromisu MAE nian maka atu:
- Halo Governu local sira sai forte–hodi nomeia no kapasita dirijentes munisipais no postus administrativus sira no hodi asegura apoiu tékniku no formasaun kontínua iha areas hirak ba planeamentu, finansas no konkratasaun públika nian;
- Implementa desentralizasaun administrativa – hodi harí órgaun hirak foun hanesan Autoridade Administrativa Ataúro no servisus administrasaun nian iha kada Suku, hodi promove autonomia lokal no ligasaun institusional;
- Moderniza prestasaun servisus públikus – liu hosi inisiativas hanesan “Balkaun Úniku´(one stop shop) no Portal Munisipal dijital, hodi fasilita populasaun hetanasesu;
- Asegura hijiene, ordem públika no organizasaun urbana, hodi aktualiza lejislasaun no regulamentus ba garante ambiente mos, seguru no ho ordem;
- Konsolida prosesu eleitoral sira – hodi inklui referendu, eleisoens iha Sukus no aplika teknolojias hirak bele halo ema fiar, hanesan resenseamentu biométriku;
- Promove boa governasaun no integridade – liu hosi auditorias internas, inspesoens, memorandus ho entidades hirak hosi direitus humanus no kombate hasoru korupsaun;
- Haboot-tan kooperasaun internasional no dezenvolvimentu lokal, ho programas hirak konaba kapasitasaun, infraestrutura komunitária no parseiria ho perseirus hirak hanesan UE, Austrália, Japão mo UCCLA
Orientasaun hirak ne’e hatudu kompromisu MAE nian ba desentralizasaun, transparênsia, efisiênsia iha jestaun públika no fortalesimentu institusional, hodi alinha totalmente ho programa Governu nian no Planu Estratéjiku 2011-2030.