ATAÚRO, 15 Janeiru 2026 – Sua Exelénsia, Ministru Administrasaun Estatál, Tomás do Rosário Cabral, akompaña hosi Prezidente Autoridade Administrativa Ataúro Sr. Mateus Belo, hamutuk ho Diretór Ezekutivu Fundu Espesiál Dezenvolvimentu Ataúro (FEDA), Sr. Hermes da Rosa Correia Barros, ofisialmente inaugura ona Sala Aula Eskola Sekundaria 99 Ataúro, iha Aldeia Ileticaraquia, Suku Vila Maumeta.
Konstrusaun eskola refere, finansia husi Fundu Espesial Dezenvolvimentu Ataúro (FEDA), hahu iha tinan 2024 ho orsamentu jerál estadu ne’ebé Alokadu ba FEDA iha Kategoria Kapital Dezenvolvimentu ho Montante U$ 118,843,71, ne’ebé mak ezekuta husi kompania lokal PIPARI ALWAYS, UNIP. Lda.
Eskola Sekundaria 99 kompostu husi sala aula tolu (3) no sala ida (1) ba manorin nain, ne’ebé mak prienxe ona ho fasilidade eskola nian no bele hahu ona halao prosesu aprendizagem ba estudante sira.
S.E. MAE husu ba Povu Ataúro liu-liu ba dirijente eskola no estudante sira atu uza fasilidade ida ne’e ho kuidadu no uza ho responsabilidade.
Iha seremonia refere partisipa hosi Xefi Gabinete MAE, Sr. Benigno H. da Cruz, Diretor Jéral MAE, Diretor Nasionál MAE, Xefe Departamentu, Autoridade Ataúro, Komandante PNTL, F-FDTL, Xefe Suku, Manorin nain no estudante inklui Komunidade Suku Vila Maumeta.
#Remata
Medi@mae_2026
