Tersa-Feira, 13 Janeiru 2026 – S.E. Ministru Administrasaun Estatál, Tomás do Rosário Cabral, Konvoka reuniaun ida ho Prezidente Autoridade Munisipál sira inklui Prezidente Autoridade Administrativa Ataúro iha salaun VIP MAE, Caicoli
Reuniaun ne’e ho objetivu atu avalia planu servisu ne’ebé hala’o husi PAM sira iha Munisípiu hodi foka liu ba preparasaun planu aprovizionamentu ba Primeiru Trimestre atu nuné bele fasilita prosesu pagamentu ba aktividade hotu ne’ebé sei hala’o iha primeiru trimestre.
Entretantu, durante reuniaun hetan mós prezensa husi S.E. Primeiru-ministru, Kay Rala Xanana Gusmão ne’ebé fó mos mutivasaun ba Presidente Autoridade Munisipal sira, inklui Presidente Autoridade Administrativa Ataúro tau atensaun ba programa hotu ne’ebé trasa ona iha planu serbisu sira.
PAM sira nudar reprezentante governo sentral iha munisipius, tamba ne’e, Xefi Governu mós husu ba PAM sira atu aselera planu servisu aprovizionamentu nian hodi bele implementa ona programa merenda escolar atu nuné bele evita atrazu iha ezekusaun orsamentu iha tinan 2026.
S.E. Primeiru-Ministru husu mos ba PAM sira no Presidente Autoridade Administrativa Ataúro atu servisu ho dedikasaun no empeñiamentu iha servisu, liu-liu servisu ho responsabilidade hodi ezekuta programa prioridades husi Governu Da-Sia nian iha Munisípiu sira, hodi nune’e bele hakbesik servisu Governu nian ba komunidade sira iha area rural.
Reuniaun ne’e, partisipa husi Xefi Gabinete MAE, Benigno Humberto da Cruz, Diretor Geral Direta no indireta MAE nian, no Diretor Nasionál sira.
#Hotu
#Medi@Mae_2026
