Quarta Feira, 8 Abril 2026—Sua Exelénsia Ministru Administrasaun Estatál, Tomás do Rosário Cabral konvoka reuniaun ho ekipa tekniku MAE nian kompostu husi Diretóres Jerál, Diretóres Nasionál no Chefi Gabinete sira hodi halo preparasaun ba apoiu tekníku iha Munisipiu sira, no reuniaun ne’e hala’o iha salaun VIP MAE.
Reuniaun ne’e, S.E. Ministru MAE, apela ba kargu Xefia sira MAE nian atu hare’e servisu tekniku sira ne’ebé mak durante ne’e hala’o ona ba munisípiu sira inklui Autoridade Administrativu Ataúro ne’ebé mak hala’o ona iha tinan 2025.
Nu-entantu iha tinan 2026, kontinua fó asistensia tekniku husi diresaun direita no indireita MAE nian ba Munisípiu sira nudar preparasaun ba kondisaun minimu hodi haka’at ba desentralizasaun poder lokál.
Reuniaun ne’e mos S.E. Ministru MAE, husu nafatin ekipa nia prontidaun hodi kontinua apoiu servisu Munisípiu sira nian, no ezekuta orientasaun servisu tekníku ba Munisípiu sira hanesan programa PNDS, PDIM, Merenda Eskolar ne’ebé sai nudar programa prioridade Munisípiu sira nian.
S.E. Ministru MAE, husu ba ekipa servisu tekníku atu kontinua halo servisu ho lais, no tempu ne’ebé determina ona, ho responsabilidade atu nune’e iha tinan 2026 ne’e bele lori progresu dezenvolvimentu ba povu iha Munisípiu sira.
Alein de ne’e, S.E. Ministru MAE husu mos ba diresaun relevante sira atu bele tau atensaun ba ezekusaun tuir persentajen,(%) kada trimestral.
#Remata
#Medi@Mae_2026
