Dili, Tersa Feira 14 Abril 2026—S.E. Ministru MAE, Tomás do Rosário Cabral, marka prezensa iha serimónia asinatura akordu ne’ebé realiza iha Ministériu Finansas, Dili.
Serimónia importante ida ne’e mos partisipa husi membru Governu sira, inklui Ministra Finansas, Santina José Rodrigues F. Viegas Cardoso, Ministra Edukasaun, Dulce de Jesus Soares, Ministru Agrikultura, Pekuária, Peska no Florestas, Marcos da Cruz.
Iha okazaun ne’e, Prezidente Autoridade Munisípiu sira husi Viqueque, Baucau, Bobonaro no Covalima mos marka prezensa hodi partisipa iha atividade ida ne’e. No Serimónia asinatura akordu entre Korea International Cooperation Agency no Governu Timor-Leste ne’e importante atu apoiu programa sira hanesan, fortalese nutrisaun no seguransa alimentár ba programa alimentasaun eskolar no restaurasaun florestal no dezenvolvimentu kapasidade sustentável.
Ministériu Administrasaun Estatál kontinua komitidu atu halo servisu hamutuk ho parseiru internasionál sira hodi promove dezenvolvimentu sustentável no bem-estar ba povu Timor-Leste.
#Hotu
#Medi@Mae_2026