Reuniaun kortezia nee importante tebes hodi diskute klean kona-ba programa implementasaun merenda escolar nian ne’ebé mak tenki kontinua mellora servisu iha terrenu. Representativa Nasoens Unidas ba Programa Aihan Mundial (WFP) iha Timor Leste agradese ba koolaborasaun servisu ne’ebé mak durante ne’e ekipa tekniku husi MAE no ekipa WFP hala’o liu husi reuniaun koordenasaun ne’ebé hala’o durante ne’e, informa mos katak husi parte WFP kontinua iha komitmentu bo’ot atu bele servisu hamutuk hodi bele aliña prioridades IX Governu Konstitusional nian no bele ajusta tuir dekretu Governu foun Nu. 3/2025 de 2 de Abril, ne’ebé hetan ona aprovasaun no publika ona iha jornal Repúblika.
Iha reuniaun ne’e S.E Ministru (MAE) hato’o informasaun relasiona ho progresu servisu ne’ebé mak oras ne’e Autoridade Munisipál sira implementa iha Munisipiu hodi hasoru polítika Desentralizasaun no Poer Lokál liu husi Avaliasaun Kondisaun Mínima (AKM) neebe hala’o ona iha Munisípius hodi bele priense rekezitus neebe iha antes avansa ba desentralizasaun no poder lokál no mos hala’o ezekusaun ba implementasaun programa merenda escolar tuir Decreto do Governo Nu. 3/2025 de 2 de Abril ko’alia kona-ba kondisaun ba atribuisaun subsídiu ba programa merenda eskolar.
Diskusaun ne’e mos Sua Exelensia Ministru husu atu parte ajensia internasional liu husi Programa Aihan Mundial Nasoens Unidas, (UNWFP) atu bele hahu diskute programa kampaña nasionál ne’ebé involve MAE, MAPPF no Autoridade Munisipál sira oinsa atu bele involve grupo komunitárias no komunidades hodi hahu lori fila komunidade fila ba vida Agrikultór, atu bele hadia ekonomia no garante fornesimentu produto lokal ba iha programa merenda eskolar.
Servisu koperasaun entre MAE ho UNWFP hodi hateke ba oin no lori progresu no benefisariu ba povu atu nune’e, orsamentu jeral estadu (OGE) bele kontinua sirkula iha território Timor Leste liu husi sai fornesedor aihan ka produto lokal ba iha merenda eskolar, ne’ebé mak tuir regras eziste aihan produto lokal tenki atinji porsentu (75%), no programa nee mos bele hahu implementa ho programa PNDS iha territóriu Timor-Leste.
#Remata
Medi@Mae_2026
