Bobonaro, 22 Juñu 2026
Segunda feira semana ne’e, S.E. Vise Ministru MAE, Jacinto Rigobertu Gomes de Deus, hamutuk ho Diretor Geral INAP Policarpo Amilcar Boavida, ho Presidente Autoridade Bobonaro, halo abertura ba Formasaun kona-ba Desentralizasaun Administrativa iha Autoridade Munisípiu Bobonaro.
Entretantu Iha okaziaun ne’e, S.E. Vise Ministru MAE, afirma ba formando sira katak, Formasaun kona-ba desentrelizasaun Administrativa importante tebes ba kargu xefia sira iha Autoridade Munisipiu Bobonaro atu haburas sira nia Kbit no konesimentu, hodi koresponde ba procesu preparativus kondisaun minima no prontu atu servi kuandu munisípiu sira simu desentralizasaun Poder Local.
Objetivu principal husi formasaun ne’e, mak atu garante implementasaun diak ba politika desentrelizasaun, hadia kualidade prestasaun servisu pùbliku ba komunidade lokal, no hametin Governasaun diak iha munisipiu sira.
Formasaun ne’e bele kompleta diak, kuandu funsionariu no kargu xefia sira iha Munisipiu Bobonaro bele hala’o sira nia funsaun ho responsabilidade hodi kontribui ba desenvolvimentu sustentavel iha rejiaun Bobonaro.
S.E. Vise MAE salienta liu tan katak, Autoridade Munisípiu Bobonaro prontu servi no presta atendimentu diak ba, hodi hala’o atividades governasaun ida diak ba dezenvolvimentu iha Municipio Bobonaro.
Nu-entantu, S.E. Vise Ministru MAE, Jacinto Rigoberto Gomes de Deus, afirma ba partisipante sira atu servisu hamutuk hodi konstrui Munisipiu Bobonaro ida justu, igualitáriu no prósperu.
Abertura ba formasaun ne’e, hala’o iha salaun Maria-Tapo Bobonaro, no akompanha mos husi PAM bobonaro, Paulo Moniz Maia hamutuk ho diretores servisu munisipál, formandos, no konvidadus iha Bobonaro.
#Hotu
#Medi@MAE_2026
