KINTA-FEIRA, 16 de Julho 2026
Membru Governu MAE, kompostu husi S.E. Ministru MAE, Tomás do Rosário Cabral, S.E SEATOU Germano Santa Brites Dias, S.E. SEDL Mateus W. dos Santos Tallo, hamutuk ho membru Governu sira seluk, partisipa iha reuniaun Komité Ezekutivu (Executive Committee/ExCom) ba ASEAN Chairship National Organizing Council (ACNOC) 2029, ne’ebé lidera husi Primeiru-Ministru Kay Rala Xanana Gusmão, iha Salaun Nobre, Ministériu Negósiu Estranjeiru no Kooperasaun (MNEK), Praia dos Coqueiros, Díli.
Reuniaun ne’e organiza husi Ministériu Negósiu Estranjeiru no Kooperasaun (MNEK).
Durante reuniaun, membru Komité Ezekutivu sira halo diskusaun kona-ba estrutura organizasionál ACNOC, papél no responsabilidade komité sira, planu servisu inisiál, mekanizmu koordenasaun inter-institusionál, no prioridade estratéjika sira atu prepara infraestrutura, protokólu, seguransa, transportasaun, akomodasaun, komunikasaun, saúde, turizmu no área apoiu seluk ne’ebé importante ba realizasaun reuniaun ASEAN sira iha Timor-Leste.
Iha reuniaun ne’e, Governu reafirma katak preparasaun ba Prezidénsia ASEAN 2029 la’ós responsabilidade husi ministériu ida de’it, maibé presiza kolaborasaun nasionál ne’ebé metin entre instituisaun Estadu hotu atu garante Timor-Leste prontu simu no organiza eventu internasionál sira tuir padraun ASEAN.
Partisipa mós iha reuniaun ne’e Vise-Primeiru-Ministru, Ministru Koordenadór ba Asuntu Ekonómiku no Ministru Turizmu no Ambiente, Dato’ Seri Francisco Kalbuadi Lay, Vise-Primeiru-Ministru, Ministru Koordenadór ba Asuntu Sosiais no Ministru Dezenvolvimentu Rurál no Habitasaun, Mariano Asanami Sabino, membru Governu sira, no reprezentante instituisaun Estadu sira.
#Hotu
#Medi@MAE_2026
