Bobonaro, 24 de Julho de 2026 – Sesta-feira semana ne’e, S.E. Sekretáriu Estadu Asuntu Toponímia no Organizasaun Urbana (SEATOU), Germano Santa Brites Dias, hala’o sosializasaun kona-ba servisu Toponímia nian ba kargu Diretór Servisu Munisipál sira iha Salaun Maria Tapo, Munisípiu Bobonaro.
Iha intervensaun, S.E. SEATOU Germano Santa Brites Dias apela ba Diretór Servisu Munisipál sira iha Autoridade Munisípiu Bobonaro atu dedika-an ho responsabilidade tuir kna’ar ne’ebé asumi hodi servi povu iha munisípiu Bobonaro.
S.E. husu mos ba Diretór sira atu halo kontrolu másimu ba servisu jestaun merkadu, parajen transporte sira iha estrada públiku, no servisu sira seluk ne’ebé delegasaun kompeténsia husi Nasionál mai ona iha munisípiu Bobonaro.
Hafoin remata sosializasaun, PAM Bobonaro, Sr. Paulo Moniz Maia hato’o mós intervensaun hodi haforsa informasaun sira ne’ebé hato’o husi S.E. SEATOU ba Diretores servisus iha Autoridade Munisípiu Bobonaro nian, ne’ebé partisipa mos formasaun durante loron ha’at iha Administrasaun Munisípiu Bobonaro atu bele hala’o servisu ho di’ak tuir matéria sira ne’ebé hetan ona.
Formasaun ne’e sai hanesan pasu importante ida hodi hametin koñesimentu kona-ba dezentralizasaun iha nivel Munisípiu, nomos partilla esperiensia servisu husi kada munisípiu. Atividade ne’e envolve mós Rejiaun III ne’ebé kompostu husi Munisípiu lima mak hanesan, Ataúro, Bobonaro, Dili, Ermera, no Liquiçá.
Nu-entantu, formasaun ne’e abertura husi DG-DGL, Sr. António Augusto Guterres iha loron Tersa-feira, 21 de Julho, no insera husi Diretór Nasionál Apoiu Administrasaun Suku (DNAAS), Sr. Celestino Marques, representa DG-DGL.
#Hotu
#Medi@MAE_2026
